exactam diligentiam pro eisdem importandis Et eisdem communiis importatis easdem deliberabunt Preposito et in eius absentia presidenti / qui Prepositus siue presidens faciet fidelem distributionem de huiusmodi communiis singulis prebendariis / receptis prius ab eisdem prebendariis et per ipsos solutis penis pecuniariis pro eorum absentiis et non obseruatione fundationis et statutorum dicte Ecclesie Collegiate debitis ante dictum capitulum Sabatinum etc. SEQUITUR intentio fundatoris pro reformatione et reparatione dicte Ecclesie Collegiate et tenementorum meorum per me edificatorum et conquestorum ad sustentationem dicti Collegii mei INPRIMIS do et assigno pro reparatione eorundem in tegulis vitro lye poyntyng cum defecerint in parte vel in toto / Inprimis tenementum meum ante et retro jacens in publica via que ducit a Loco Fratrum Predicatorum Glasguensium ad Crucem Foralem eiusdem ex parte occidentali inter terras Dauid Symsone ex boreali et Willelmi Androsoune ex australi partibus / Item quinque aggeres siue rodas terre cum vna curta roda eisdem adiacente jacentes in Longa Crofta inter terras quondam Johannis Bowthok ex occidentali et terras quondam Johannis Gayn ex orientali partibus / Item vnam magnam acram nuncupatam / The How Akir / jacentem in Cropnesto inter terras tumbe Sancti Kentigerni ex orientali et terras vicariorum chori Glasguensis ex occidentali / Et pro premissis conseruandis colligendis et disponendis in omni capitulo Sabatino Penthecostali siue in ebdomada sequenti / volo quod per Prepositum et prebendarios et in dicti Prepositi absentia per presidentem pro tempore vt eligatur vnus prebendarius de dicta Ecclesia Collegiata magis fidelis et prudens qui / Magister Fabrice / dicte ecclesie nominabitur / qui importabit fructus dictorum tenementorum et terrarum et cum eisdem singulos defectus vt supra dicte ecclesie et tenementorum reformabit resarciet et meliorabit / Qui in huiusmodi officio per spatium vnius anni perseuerabit et nouus alius prebenda rius eligatur et finito anno compotum et rationem Preposito et prebendariis siue presidenti et prebendariis de intromissis et per eum dispositis faciet Et de summis restantibus intranti Magistro Fabrice Ecclesie Collegiate solutionem faciet / qui pro laboribus suis compoto et solutione factis habebit vnam rigam terre jacentem in Longa Crofta inter terras quondam Eduardi Scott ex orientali et Willelmi Scott de Bradisholme ex occidentali Et si dictus Magister Fabrice mee ecclesie prudens et fidelis reperiatur in dicto officio ad duos vel tres annos continuetur et vltra ea lege si ipse Magister Fabrice sic continuatus per eosdem negligens fuerit idem Prepositus siue presidens et prebendarii ratione sue culpe tenebuntur et obligabuntur ad satisfactionem de intromissis siue negligenter omissis per dictum Magistrum Fabrice ecclesie mee / Et desuper volo quod balliui et consules ciuitatis Glasguensis habeant actionem et litem contra ipsos Prepositum siue presidentem et prebendarios coram domino officiali generali Glasguensi ad compellendum eosdem respectiue ad satisfactionem dampni de eorum bonis propriis ITEM assigno decano capituli ecclesie metropolitane Glasguensis et vni canonico dicte ecclesie per eum eligendo / et in eius absentia presidenti dicti capituli et vni canonico per eum eligendo / annuatim viginti solidos / videlicet / duodecim solidos decano siue presidenti Et octo solidos canonico eligendo Ac etiam domino rectori Alme Vniuersitatis Glasguensis et decano facultatis artium eiusdem annuatim tresdecim solidos et quatuor denarios Qui decanus percipiet octo solidos et decanus facultatis quinque solidos et quatuor denarios / et ob premissa facient omni terna feria prime ebdomade Quadragesime fidelem inquisitionem de obseruatione erectionis et fundationis ac statutorum dicte ecclesie Et similiter de vita et regimine prebendariorum eiusdem Et si culpabiles fuerint referantur ad correctionem Prepositi dicte ecclesie et in eius absentia presidentis eiusdem / Et si dictus Prepositus siue presidens negligens fuerit non corrigendo nec puniendo eos qui culpabiles fuerint per quindenam volo eorum correctiones spectare decano et capitulo ecclesie metropolitane Glasguensis / Prebendariis vero fornicatoribus volo eorum correctiones spectare ordinario et eius commissariis maiorum excessuum Item secundo volo vt dicti prebendarii eo modo omni tercia feria / si a festo vacauerit sinautem in proxima feria / mensis Augusti visitentur per dictum decanum siue canonicum et puniantur pro eorum excessibus et delictis Item similiter volo quod dicti prebendarii visitentur per rectorem Alme Vniuersitatis Glasguensis et decanum facultatis eiusdem omni primo die mensis Decembris annuatim si a festo vacauerit sinautem proxima die sequenti feriata / Et similiter omni secunda die mensis Maii / si a festo vacauerit sinautem proxima die sequenti / visitentur per dictos rectorem Alme Vniuersitatis et decanum facultatis artium eiusdem et secundum eorum delicta et excessus corrigantur et puniantur vt supra. Item do et assigno balliuis ciuitatis Glasguensis / propter singularem confidentiam quam erga ipsos tanquam patronos dicte Collegiate Ecclesie gero tresdecim solidos et quatuor denarios annuatim ad supportandum auxiliandum et defendendum dictos prebendarios pro importatione fructuum eorundem Et ad considerandum defectus tenementorum per me edificatorum et conquestorum Et similiter defectus ecclesie in tegulis vitro lye poyntyng Et similiter librorum et vestimentorum dicte ecclesie / Et si dicti prebendarii negligentes fuerint in premissis volo vt sequestrentur eorum fructus vsque ad reformationem singulorum defectuum Et hoc quia sunt assignata eisdem terre tenementa et annui redditus ad premissa omnia et singula perimplenda Et hoc bis in anno videlicet in ebdomada Penthecostali et in ebdomada / tertia Nouembris. Item volo quod dicte summe pecuniarie assignate decano et canonico ecclesie metropolitane Glasguensis supramentionatis ac rectori Alme Vniuersitatis et decano facultatis artium eiusdem ac balliuis ciuitatis Glasguensis soluantur eisdem annuatim per Prepositum et in eius absentia per presidentem dicte Ecclesie Collegiate Et hoc proportionabiliter visitatione tamen prius facta / Cui Preposito et in eius absentia presidenti ad premissa perimplenda assigno et do tres acras terre cum dimedia jacentes in crofta Diue Virginis Marie inter terras prebendarii noni ex occidentali Et terras assignatas pro exequiis celebrandis annuatim pro ani G mabus matris mee videlicet / Jonete Lundy ac venerabilium virorum quondam magistrorum Georgii Montgomery et Ade Colquhoune canonicorum Glasguensium ex orientali partibus Item assigno dicto decano capituli Glasguensis quatuor solidos et canonico per eum eligendo duos solidos et octo denarios item rectori Alme Vniuersitatis Glasguensis quatuor solidos et decano facultatis eiusdem duos solidos et octo denarios / leuandos et percipiendos annuatim de vna acra terre jacente in crofta Sancte Anne inter terras prebendarii quinti ex occidentali et terras prebendarii septimi ex orientali partibus SEQUITUR Erectio Exequiarum prescripti magistri Jacobi Houstoune presbyteri / patris et matris eiusdem / annuatim fiendarum in prefata Ecclesia Collegiata Diue Virginis Marie et Anne Matris eius per ipsum magistrum Jacobum fundata dotata et erecta INPRIMIS in die Sancte Anne annuatim conuenient post meridiem inter horas terciam et quartam vndecim prebendarii cum tribus pueris dicte Ecclesie Collegiate celebraturi / Placebo / et / Dirige / in cantu cum nouem lectionibus Quibus finitis tradantur eisdem tres solidi in pane et potu Et illis peractis dicatur psalmus / De Profundis / cum precibus et orationibus consuetis / Et in crastino quilibet eorum celebrabit Missam / de Requie / pro animabus prescriptorum et omnium fidelium defunctorum Et specialiter pro quibus idem magister Jacobus extat astrictus / Et Missis celebratis inter eosdem proportionabiliter distribuantur vndecim solidi et tribus pueris. duodecim denarii / videlicet vnicuique eorum quatuor denarii Secundo congregentur triginta patres et matresfamilias senes honesti et indegentes ad dictas exequias et ad Missas circa decimam horam in crastino Et vnicuique donentur finitis Missis / tres denarii in pane frumentino / tres denarii in carnibus vel piscibus secundum temporis exigentiam / et duo denarii pro potu Et ponantur super tabula lignea in medio chori vbi cerei et ymagines pro tempore siti sunt. Tertio intersint octo scolares vt prenotati patres et matresfamilias / Psalmos Penitentiales / vel / Rosarium Beate Marie Virginis / cum psalmo / De Profundis / et precibus ac orationibus solitis dicturi Et vnicuique dentur duo denarii Quarto inuitentur pauperes Hospitalis Sancti Nicholai de vtraque domo Qui comparentes vt prenotati patres et matresfamilias / vel in infirmitate laborantes / et tempore Missarum et exequiarum dicent singillatim / Rosarium Beate Marie Virginis / Et similiter prenotati patres et matresfamilias dicent cum aliis suffragiis prout eiis Deus et conscientia dictauerit / Et dictis pauperibus destribuantur proportionabiliter quatuor solidi Quinto leprosis extraneis et commorantibus juxta Pontem Glasguensem comparentibus vt supra in Cimiterio prefate Ecclesie Collegiate oraturis Deum duodecim denarii Sexto pro compulsatione campanarum dicte ecclesie et tabulam ligneam cum cereis et ymaginibus ponenti / octo denarii / Et pro pulsatione campane Sancti Kentigerni in die Sancte Anne et in crastino per ciuitatem / quatuor denarii. Nouissime prebendario distribuenti huiusmodi summas vltra portionem sibi assignatam pro exequiis / viginti denarii pro suis laboribus / Qui prebendarius annuatim in Festo Sancti Martini in hyeme inter confratres presbyteros dicte ecclesie electus erit ad premissa facienda Que summe prescripte extendunt annuatim ad quadragintaquatuor solidos monete leuandos et percipiendos de tenemento quondam Jonete Blak nunc autem domini Petri Law jacente in ciuitate Glasguensi in Via Fullonum ex orientali parte communis vici eiusdem inter tenementa Andree Haustoune ex australi / Thome Blythmann ex boreali / et torrentem de Malyndonar ex orientali partibus. Super quibus omnibus et singulis idem magister Jacobus a me notario publico subscripto petiit instrumentum Acta infra ciuitatem Glasguensem et in manso prebendarii de Glasgu primo / die primo mensis Maii anno Domini millesimo quingentesimo vicesimooctauo Presentibus ibidem discretis viris dominis Ricardo Otterburne Andrea Skeothe presbyteris et Allano Brovne laico / Fateor premissa / Jacobus Houstoune manu propria / Ita est Johannes Moresoune notarius publicus in premissis requisitus manu propria subscripsit |