67 VNIUERSIS et singulis sancte matris ecclesie filiis presentes litteras siue hoc presens publicum instrumentum transsumptum siue transcriptum ac regestrum visuris inspecturis lecturis pariter et audituris WILLELMUS Hammiltoune archidiaconus capelle Regie Striuilingensis ac officialis Glasguensis generalis salutem in Domino et presentibus fidem indubiam adhibere Nouerit vniuersitas vestra quod nos Willelmus officialis antedictus ad instantiam et requisitionem venerabilis et egregii viri magistri Jacobi Houstoune subdecani Glasguensis ac fundatoris Ecclesie Collegiate Beatissime Virginis Marie et Sancte Anne matris eiusdem infra ciuitatem Glasguensem lie Troyngait eiusdem situate Omnes et singulos sua communiter vel diuisim ad infrascripta interesse habentes seu habere putantes ad videndum et audiendum certa instrumenta confecta per circumspectos viros magistros et dominos Matheum Stewart / Martinum Hommill Johannem Blak / Johannem Moresone / Johannem Kene / Johannem Bridyn / Thomam Hammiltoune / Nicholaum Witherspovne / Johannem Chalmeris / Cuthbertum Symonis / Dauid Hugonis et Thomam Flemyng notarios publicos dicte ecclesie Sanctarum Marie et Anne et prefato magistro Jacobo fundatori eiusdem spectantia et pertinentia coram nobis judicialiter exhiberi atque produci Et postquam producta fuerint per alium notarium ydoneum transsumi transcribi copiari exemplari et in quodam regestro poni ac in publicam transsumpti seu transcripti formam redigi mandari Et hoc proper incendium [etc. in forma communi ut supra, pagg. 3, 4.] Et quia huiusmodi instrumenta non rasa non cancellata nec in aliqua sui parte suspecta sed omni prorsus vitio et suspicione carere reperimus Idcirco ad prefati magistri Jacobi subdecani vlteriorem instantiam et requisitionem huiusmodi instrumenta per notarium publicum infrascriptum scribam nostrum transsumi transcribi copiari publicari et in publicam transsumpti seu transcripti formam redigi mandauimus et fecimus Et eadem instrumenta in presenti regestro imponi decreuimus Volentesque [etc. ut supra pag. 5.] Quibus omnibus et singulis sic factis et in judicio celebratis nostrum ac dicte nostre curie consistorialis auctoritatem judiciariam et ordinariam duximus interponendum interposuimus presentiumque tenore interponimus pariter et decretum / Tenor vero instrumentorum de quibus supra fit mentio successiue sequitur vt infra IN DEI nomine Amen. Per hoc presens publicum instrumentum cunctis pateat euidenter et sit notum quod anno incarnationis Dominice millesimo quingentesimo decimosexto die vero decimosexto mensis Septembris Indictione quinta Pontificatus sanctissimi in Christo patris et domini nostri Domini Leonis Pape decimi anno quarto / In mei notarii publici et testium subscriptorum presentia personaliter constituta Joneta Robertoune filia quondam Alexandri Robertoune et Deuoce Hamiltoune existens in statu et saisina vnius domus jacentis ex parte posteriori tenementi Marci Hall / huiusmodi domum siue tenementum cum consensu dicte Deuoce sue matris in manibus honorabilis viri Dauidis Lyndsay vnius balliuorum ciuitatis Glasguensis in fauorem venerabilis viri magistri Jacobi Houstoune per terre et lapidis traditionem vt moris est pure et simpliciter resignauit Et hoc pro certa summa pecunie per dictum magistrum Houstoune eedem persoluta Qua resignatione sic vt premittitur facta idem balliuus accessit ad prefatam domum Et ibidem vigore et virtute sui officii per terre et lapidis traditionem statum et saisinam hereditarios Necnon realem actualem et corporalem possessionem predicte domus prefato magistro Jacobo suisque heredibus et assignatis dedit tradidit pariter et deliberauit Super quibus omnibus et singulis prefatus magister Jacobus a me notario publico subscripto sibi fieri petiit et requisiuit vnum seu plura publicum vel publica instrumentum et instrumenta. Acta erant hec super fundo dicte domus hora octaua ante meridiem vel ea circa Sub anno die mense Indictione et pontificatu quibus supra Presentibus ibidem Johanne Johnsoune Andrea Flemyng et Johanne Bargille cliente cum diuersis aliis ET EGO Johannes Blak artium magister presbyter Glasguensis diocesis publicus sacra auctoritate Apostolica notarius Quia premissis omnibus et singulis dum sic vt premittitur agerentur dicerentur et fierent vnacum prenominatis testibus presens personaliter interfui Eaque omnia et singula sic fieri vidi sciui et audiui ac in notam cepi Ideoque hoc presens publicum instrumentum manu mea propria fideliter scriptum exinde confeci subscripsi et publicaui Signoque et nomine meis solitis et consuetis signaui rogatus et requisitus in fidem et testimonium veritatis omnium et singulorum premissorum IN DEI NOMINE Amen. Per hoc publicum instrumentum cunctis pateat quod anno incarnationis Dominice millesimo quingentesimo decimoseptimo die vero quarto mensis Martii / In mei notarii publici et testium subscriptorum presentia personaliter constitutus honorabilis vir Thomas Hugonis alias Huchisoune / accessit ad terras et tenementa subsequentes / videlicet / ad quoddam tenementum sibi spectans jacens in ciuitate Glasguensi inter Pretorium dicte ville ex parte australi et tenementum Eduardi Scott ex parte boreali et communem viam ex parte orientali prope Crucem Foralem / Et ad quatuor marcas annui redditus sibi Thome debentis de parte posteriori dicti tenementi / videlicet / duas marcas annui redditus de tenemento inhabitato per Gilbertum Sellar et alias duas marcus annui redditus debiti de tenemento Johannis Langside inhabitato per eundem / Quadraginta solidos annui redditus eidem Thome debiti de vno tenemento jacente ex parte australi Vici Sancte Teneu inhabitato per Johannem Terbart et Johannem Adam inter terras quondam magistri Valteri Kennedye ex orientali et terras ipsius Thome ex occidentali partibus / Et ad tenementum ipsius Thome jacens ex parte occidentali vt supra specificatur / Et ad quindecim solidos annui redditus sibi debiti de tenemento inhabitato per Johannem Bell / Et ad vnum tenementum inhabitatum per Johannem Houstoune cum magno orto eiusdem tenementi jacens inter terras de Mutland Croft ex occidentali et terras dicti quondam magistri Valteri Kennedy ex orientali / Et ad vnam acram terre jacentem in Kynclaith nuncupatam The Halklaw Et ibidem dictus Thomas in manibus honorabilis viri Thome Law vnius balliuorum ciuitatis Glasguensis pro tempore per terre et lapidis ac lie hesp et stapill traditionem huiusmodi terras tenementa et annuos redditus in fauorem sui dilecti filii magistri Michaelis Hugonis simpliciter resignauit. Qua resignatione sic facta idem balliuus statum et saisinam hereditarios prescriptarum terrarum tenementorum et annuorum reddituum sibi magistro Michaeli suisque heredibus deliberauit / Reseruando tamen sibi Thome liberumtenementum huiusmodi terrarum tenementorum et annuorum reddituum pro toto tempore vite sue Presentibus ibidem Johanne Aitkyn Georgio Carlill Dauid Lyndesai Willelmo Stewart Jacobo Young Johanne Johnstoune Andrea Flemyng domino Jacobo Henry et Roberto Arbukill. ET EGO Martinus Reid presbyter Glasguensis diocesis publicus sacra auctoritate Apostolica notarius Quia [etc.] IN DEI nomine Amen. Per hoc publicum instrumentum cunctis pateat quod anno incarnationis Dominice millesimo quingentesimo decimoseptimo die vero septimo mensis Septembris / In mei notarii publici et testium subscriptorum presentia personaliter constitutus discretus vir dominus Dauid Akynheid capellanus / existens in statu et saisina cuiusdam annui redditus duodecim solidorum annuatim leuandi de tenemento quondam magistri Andree Stewart spectante nunc capellanie Sancti Kentigerni in naui ecclesie Glasguensis jacente in via que ducit a Quadriuio ad Crucein Foralem dicte ciuitatis ex parte occidentali communis vie eiusdem inter terras Alexandri Thomsone ex parte australi et Johannis Curry ex parte boreali / Et ibidem dictus dominus Dauid huiusmodi annuum redditum in manibus Thome Hugonis vnius balliuorum ciuitatis Glasguensis simpliciter in fauorem venerabilis viri magistri Jacobi Houstoun resignauit / Qua resignatione sic facta idem balliuus statum et saisinam hereditarios dicti annui redditus dicto magistro Jacobo Houstoune suis heredibus et assignatis per lie hesp et stapil traditionem deliberauit. Presentibus ibidem discretis viris magistro Thoma Leyss dominis Johanne Knox et Willelmo Huntar. ET EGO Johannes Blak artium magister presbyter Glasguensis diocesis publicus sacra autoritate Apostolica notarius Quia [etc.] IN DEI nomine Amen. Per hoc publicum instrumentum cunctis pateat quod anno incarnationis Dominice millesimo quingentesimo decimooctauo die vero mensis Septembris vigesimooctauo / In mei notarii publici et testium subscriptorum presentia personaliter constitutus prouidus vir Thomas Law vnus balliuorum ciuitatis Glasguensis / accessit ad vnum tenementum cum orto jacens in ciuitate Glasguensi in communi vico occidentalis partis eiusdem tendente a Cruce Forali ad Communem Portam / lie Nedder Barras Yett / eiusdem ciuitatis inter terras siue tenementa Niniani Merschiall ex boreali et terras siue tenementa heredis quondam Martini Oliphant ex australi partibus / Quod tenementum quondam fuit Marci Hall qui obiit vestitus et saisitus vt de feodo in eodem. Et ibidem dictus balliuus statum et saisinam hereditarios de huiusmodi tenemento cuidam Andree Hall / filio legittimo et propinquiori heredi dicti quondam Marci Hall sui patris / suisque heredibus et assignatis per terre et lapidis traditionem vt moris est in burgo secundum formam varde curie secularis in Pretorio ciuitatis Glasguensis desuper tento deliberauit / Reseruando tamen liberumtenementum et vsum fructuum dicti tenementi Helene Hall sponse quondam Thome Hall et matri dicti Andree pro toto tempore vite sue secundum formam sue coniuncte infeodationis quam ipsa Helena asseruit se habere Presentibus ibidem discretis viris / videlicet / Niniano Merschiall Thoma Androsone et Jacobo Flemyng burgensibus dicti burgi et ciuitatis Glasguensis. ET EGO Johannes Kene presbyter Glasguensis diocesis publicus sacra auctoritate Apostolica notarius Quia [etc.] IN DEI NOMINE Amen. Per hoc publicum instrumentum cunctis pateat quod anno incarnationis Dominice millesimo quingentesimo decimonono die vero quarto mensis Octobris / In mei notarii publici et testium subscriptorum presentia personaliter constitutus prouidus vir Dauid Men |