qui n'est pas le copiste du manuscrit, si on en juge par la différence d'orthographe de certains mots et surtout des noms propres, dans les rubriques et dans le texte, s'est souvent trompé dans la numérotation des chapitres. Dans la première partie de la chronique, les chapitres I, III, IIII, XIX, XX, XXVII, XXVIII, XXX, XXXII, XXXV, XXXVI, XL, XLII sont seuls numérotés; la numérotation ne devient continue qu'à partir du chapitre XLVII. Jusque là, il a trouvé le moyen de commettre plusieurs erreurs, de donner le n° XXXII au n° XXXIII, de ne tenir après le chapitre XL (XXXIX du manuscrit) aucun compte d'une division intitulée Incidence qu'il considèrera plus loin comme un chapitre; de répéter deux fois le chapitre XLII. Plus loin, il fait d'autres répétitions; mais comme, à plusieurs reprises, il saute des numéros, il arrive à la fin avec un écart d'une unité.

La liste des chapitres qui suit, donnera un aperçu du contenu de la Chronique et nous montrera que si, au point de vue de l'histoire des croisades, elle ne nous apporte pas la somme de renseignements que nous voudrions espérer, elle est de la plus haute importance pour l'histoire de l'Arménie au XIIIe et surtout au XIVe siècle.

Chi commenchent les Cronicques et histoires des gestes et partie des faiz des roys de haulte et basse Armenye, lesquelz ont regné et gouverné le dit royaume depuis l'an del incarnation Nostre Seigneur Jhesu Crist XXXII jusques a l'an mil CCCLXXIIII, et continuent en descendant de generation en generation jusques a la droitte lignie du noble roy Lyon le quint a present roy d'Armenye. Et s'ensievent chi après les intitulations des chapittres par nombre jusques a la fin des capittres et par ceste ordonnance pourroit l'en sçavoir clerement et legièrement de quoy chascun capittre parle, lequel dit roy Lyon fut en prison ou pouoir du soudan de Babiloyne et fu delivré de la dicte prison l'an de la purification de Jhesu Crist mil CCCIIIIxx et deux, le derrain jour de septembre. Le premier chapitre parle comment le roy d'Armenye, nommé Abcar, estoit mescreant et mesel et comment il fu guariz par miracle, et après se converti a la foy de Jhesu Crist luy et son peuple et brisièrent leurs ydolles. I.

Comment le roy Derchat fut mués en fourme de pourciel par la voulenté de Dieu pour ce que il avoit fait mettre en prison ung saint preudomme qui preschoit la foy crestienne.

Comment saint Silvestre, qui lors estoit pape de Romme, et l'empereur de Constantin mandèrent au roy Derchat et au dit saint Grigoire que il venissent devers eulz a Romme. III.

Comment l'empereur de Constantinoble s'efforça de constraindre le roy Caquit d'Armenye et son peuple a obeir a l'eglise de Grèce, et fist mettre le dit empereur et aucuns de ses prelas en prison et commencha la hayne contre les Grecs. IIII.

Comment le roy Caquit, ainsy comme il s'en retournoit en son paiis, fist morir

ung prelat metropole grec en I. sac et son chien avec luy pour ce que il appella son chien Armin en la presence du roy et de sa compaignie.

Comment le roy Caquit fu pendus par la gorge aus murs d'un chastel en vengance de ce que il avoit fait morir le dit prelat metropole grec.

Comment les Armins perdirent leur seignourie.

Comment baron Constant s'en fuy luy X hommes d'armes en la basse Armenye qui estoit en la subjection de l'empereur de Constantinoble.

Comment le dit baron Thoros gasta et destruit l'ille de Cippre qui pour lors se tenoit a l'empereur de Constantinoble.

Comment l'empereur de Constantinoble conquist le paiis de la basse Armenye.

Comment baron Lyon, filz baron Roppen, fu couronnez en roy d'Armenye.

Comment l'empereur de Constantinoble et le dit roy Lyon premier firent aliances l'un a l'autre.

Comment Phelippe, ainsné filz du prince d'Antioche, fut couronnez en roy d'Armenye aprez la mort du roy Lion.

Comment le dit roy Heyton fist aliances au grant Can, seigneur de Thoris.

Comment le dit soudan de Babiloyne ala en Armenye a tout grant ost et desconfist les Armins et prist baron Lyon, filz du dit roy Heyton et l'emmena en prison en Babiloyne.

Comment le dit roy Heyton alla devers le grant Can et luy requist que il luy voulsist aidier a soy vengier du dommaige que le soudan luy avoit fait.

Comment le soudan de Babiloyne assembla grant ost et se combati contre le grant Can et le roy d'Armenye et fu le dit soudan desconfit.

Comment baron Lyon, filz de baron du dit roy Heyton, fu delivrés de la prison au soudan.

Comment baron Lyon fut couronnez en roy d'Armenye après la mort du roy Heyton son père et après ce que il ot regné XVIII ans, trespassa sans hoir de son corps, et après luy fut couronnés baron Lyon, le tiers filz baron Thoros, filz du roy Heyton, lequel baron Thoros morut en la bataille contre le soudan et comment le dit roy Lyon le tiers fut tués luy et ung de ses oncles en trayson. XIX.

Comment Alinac, oncle du dit roy Lyon de par son père, se alla plaindre au grant Can de la traison que Billargon avoit fait a son nepveu, et le grant Can fist tuer le dit Billargon en sa presence pour le dit Alinac. XX.

Comment deux des filles du devant dit roy Heyton furent mariées et après du mariage du roy Ossin qui espousa la niepce de Robert, roy de Sezille, fille de son frère le prince de Tarente.

Comment le royaume demoura ou gouvernement de quatre grans barons pour ce que le filz du dit roy Ossin estoit encoire en l'e aige de VIII ans.

Comment le dit baron Ossin fist murdir et estrangler la dicte dame Isabel, suer du dit roy Ossin et ses quatre enfans mettre en prison, dont les deux y morurent et les aultres deux mist hors de prison et les fist mettre en une barque en mer et arrivèrent a Rodes et puis maria sa fille Alips au dit roy Lyon le quart, qui estoit meneur de eaige et soubz son bail.

Comment le dit Lyon fist mourir sa dicte femme Alips quant il fu venu en eaige et puis espousa Constance, fille du roy Fedric, roy de Sezille, quy avoit esté femme de Henri, roy de Cipre.

Comment le dit roy Lyon fist morir le dit baron Ossin pour les mauvaistiez qu'il avoit faittez et fist retourner en Armenye ses cousins germains messire Jan de Lissegnan et messire Bemon son frère, et puis ordena que le roy ainsné d'Armenye venist aprez sa mort au premier enfant malle de la dicte madame Ysabiel, sa vielle ante, que le dit baron Ossin avoit fait murdrir et estrangler pour ce que il trespassa sans hoir de son corps.

Comment messire Jehan de Lisegnan manda a son ainsné frère Guy de Lisegnan que le roy Lyon quart estoit trespassez et qu'il l'avoit fait son heritier aprez luy.

Comment le dit messire Guy de Lisegnan vint en Armenye a grant compaignie de gens d'armes et fu reçeu moult honnourablement et couronné en roy d'Armenye. XXVII.

Comment le roy Guy requist a Henry, roy de Cippre, qu'il le laissast joyr et posseder du fiet que messire Emorry de Lisegnan, seigneur de Sur et frère du dit roy Hemry tenoit a son vivant comme son hoir, si comme vous orés cy après. XXVIII.

Comment le dit roy Henry fist prendre et mettre en prison ceulx qui l'avoient deposé de son royaume et comment le dit messire Hugues retourna en Armenye, et comment après la mort du roy Hemry de Cyppre les Cyppriens firent roy messire Hugues de Lisegnan, filz de messire Emerry tiers frère de Henry, roy de Cippre.

Comment messire Bemon de Lisegnan alla devers le saint Père par le conseil de son frère messire Jehan de Lisegnan, soy plaindre du roy Hugues de Cippre pour ce qu'il ne vouloit rendre a luy et a son frère le fief de messire Amorry de Lisegnan, seigneur de Sur, leur père. XXX.

Comment le dit Bemon requist au saint Père et aux cardinaulz comment il leur pleust a secourir le peuple chrestien d'Armenye et le pappe luy ottroya.

Comment Guy de Lisegnan, roy d'Armenye, envoya ses messaigés a Hugues, roy de Cipre, en ly requerant qu'il ly delivrast le fief dont dessus est faicte mention.

Comment le saint Père envoya lettres au roy Guy, aus prelas et aus seigneurs d'Armenye pour refourmer aucuns poins de la foy catholicque esquelz les Armins

erroient. XXXII.

Comment le roy Guy envoya II chevaliers par devers le saint Père avecquez ung evesque de son paiis, et retourna le messaigé du saint Père appellé Danyel et estoit Armin, avecquez eulz.

Comment le saint Père entendi que les Armins avoient tué le roy Guy, leur seigneur, et messire Bemon son frère, et comment il les manda en sa presence pour savoir l'ochoison de leur mort.

Comment lez diz deux legas arrivèrent en Armenye de par le saint Père avecquez les Armins quy estoient alés devers luy comme dit est. XXXV.

Comment lez diz deux legaz firent jurer le roy, le catholico, les prelas et seigneurs d'Armenye que il tenroient dès oresmais sans varier les articles de la foy et comment il envoièrent requerre ayde de monnoye au saint Père. XXXVI.

Comment les legas se partirent d'Armenye et vindrent devers le saint Père et ung chevalier que le roy et les seigneurs du paiis envoièrent avec eulz et le saint Père l'envoya en Cyppre par devers son collecteur.

Comment les Armins mirent a mort le bon roy Guy de Lisegnan leur seigneur et messire Bemon son frère, a tort et sans cause, et se taist l'istoire des faulsetés du roy Constant.

Du trespassement messire Jehan de Lisegnan, prince et connestable d'Armenye, et de messire Bemon son filz, et comment ung des Armins quy avoit esté consentans de tuer le roy Guy et les dessus dis fut tués par miracle.

De l'election du roy Constant et retourne l'istoire a parler de luy et de ses fais. XL.

Comment icelluy roy Constant fist mettre en prison la dite madame Soldaine et sez II enfans et comment il les cuida faire emprisonner.

Comment le roy Constant commanda a deux chevaliers que il feissent noyer la dicte dame et ses deux enfans et comment il eschappèrent de mort par la grace de Dieu. XLII.

Comment la dame et ses deux enfans arrivèrent en Cyppre. XLII.

Du miracle qui advint en l'ostel saint Simeon ou la dame et ses enfans demouroient et comment le roy Hugues de Cippre y vint et enmena la dicte dame et ses enfans avecques luy. Incidence.

Comment le roy de Cippre Pierre alla devers le saint Père Urbain quint pour le passaige de oultre mer et pour faire couronner messire Bemon le premier tilz de ra dicte dame en roy d'Armenye, et après parle de la mort du roy Constant.

Comment les Armins couronnèrent le filz baron Heyton et l'appellèrent roy Constant et comment les Cypriens tuèrent le roy Pierre leur seigneur.

Comment Pierre, roy de Cyppre, alla par deux fois devers le saint Père et du traittié de mariage du dit messire Lyon. XLVII.

Comment le prince et connestable d'Antioche qui lors gouvernoit le royaume d'Arcipre, ne voult laissier partir pour aler en la Morée et acomplir les convenances du dit mariage. XLVIII.

Du mariage du dit messire Lyon et comment le filz du roy Pierre fu couronné et fist le dit messire Lyon seneschal de Jherusalem. XLIX.

Comment madame Ysabel, cousine du roy Pierre, vint en Cippre et arriva en Famagousse le jour que l'en couronnoit le jouene roy Pierre de Cipre. L.

Comment les seigneurs d'Armenye escriprent au dit messire Lyon en luy suppliant qui voulsist venir rechepvoir le royaume d'Armenye et qu'il le receveroient comme leur roy et seigneur. LI.

Comment les Armins virent le roy Constant et donnèrent le gouvernement a la vielle royne d'Armenye et comment il escriprent au roy Pierre de Cipre comment il luy pleust leur envoier le dit monseigneur Lyon pour estre leur seigneur et leur roy. LII.

Comment les messaigés allèrent devers le dit messire Lyon et luy presentèrent les lettres que les seigneurs et le peuple d'Armenye luy envoioient. LIII.

Comment le roy de Cipre manda monseigneur Lyon et ly dist le teneur des lettres que les Armins luy avoient rescript. LIIII.

De la response que messire Lyon fist aus messaigés d'Armenye des lettres qu'ilz. luy apportèrent. LV.

Comment le roy manda les dis messaigés et leur fist dire par son oncle que il leur envoieroit en Armenye le dit messire Lyon leur seigneur quant la guerre de luy et des Jennevois seroit finée et luy aideroit de tout son pouoir. LVI.

Comment les messaigés vinrent en l'ostel de messire Lyon et lui dirent la response et tantost il ala en l'ostel du roy pour luy requerir une barque pour passer lez dis messaigés en Armenye.

Comment messire Lyon donna congié aus messaigés d'Armenye et leur nomma ceulz que il vouloit qu'il gouvernaissent pour luy et envoya I escuier aveucquez eulz et le dit Manuel le courrier. LVII.

Comment les messaigés se partirent de Cipre et entrèrent en la mer et arrivèrent au Courch et puis s'en alèrent par nuit en la ville de Sis. LVIII.

Comment les lettres que les messaigés et l'escuier furent leues en audience devant tous. LIX.

Comment les Jennevois vindrent en Cyppre et assegièrent Famagousse et entrèrent dedens par certain traittié et mirent sus aus seigneurs de Cipre et a messire Lyon que il avoit esté consentant de la mort du roy de Cypre Pierre, son cousin, et pour ce les arriestèrent avecquez les aultres seigneurs de Cipre ou chastel de Famagousse. LX.

Comment les seigneurs Jennevois, aprez ce que il orent esté informés que mes