Est summa apautuum dictorum ad

annum bisancii mille tres et karati decem et octo, de quibus receperunt tantum bisancios quingentos decem et karatos quinque non positis (sic) in hiis solucione, quam habuerunt de domo IOHANNIS ANTELMI nec in introitu.

Incipiunt apautus possessionum comunis extra Accon et fuerunt apautati ut infra ad annum.

Balneum comunis de Nicosia.
Domus comunis de Famagusta
Molendinum de Tyro

Est summa dictorum apautuum extra Accon bisancii sexcentum octo de quibus habuerunt tantum bisancios quadringentos quinquaginta duos et karatos sexdecim.

Incipiuntur census qui annuatim redduntur et solvuntur comuni ad Purificacionem beatæ Mariæ Virginis de domibus et hædificiis positis et hedificatis super burgensiam et in rugam comunis Ianuæ et etiam recognoscimenta, quæ redduntur comuni de hedificiis ex quibus fiet mencio (sic) infrascriptis. Domus FULCONIS de LOGIA et hæredum.

LAMBERTI quondam fratris sui . .

DCVIII

>> XXXII

karati duodecim, de quibus habuerunt tantum bisancios ducentos quadraginta quinque et karati viginti unum.

Ego CASTELLINUS de PAXANO, sacri Imperii notarius, rogatus scripsi; ipsaque rogatu et iussu dominorum consulum in publica forma redegi per alphabetum divisa.

A B C D E F G H I J K L M N O P Q R S T U V X.

A tergo:

Cantera I 1249

Soria, Accone

837

prima.

1250, 3 mai.

III.

Acre.

Inventaire des immeubles de la commune génoise à Tyr et à Acre.

[Gênes, Arch. di Stato, Materie politiche, mazzo V, 1250-72].

In nomine Domini, amen. Hoc est instrumentum per alphabetum divisum de possessionibus et iuribus comunis Ianue infrascriptis, factum de mandato dominorum SIMONIS MALOCELLI et OGERII RICII, consulum Ianuensium in Syria et Vicecomitum pro comuni, de ipsis possessionibus et iuribus, diligenti facta inquisitione per dictum SIMONEM, vice sua et predicti ipsius conconsulis et convicecomitis, observantem tenorem statuti comunis Ianue, inde loquentis, cui inquisitioni diversimode facte interfuerunt testes et inquisitores cum dicto consule infrascripti; qui sepe dictus consul in Tyrensi civitate et extra cum infrascriptis possessiones et iura comunis Ianue et ad dictum comune pertinencia invenit infrascripta.

Primo siquidem, infra civitatem Tyrensem invenit ecclesiam unam, cui coheret ab uno latere domus quedam cum tribus stadiis.

Item iardinetum unum cui sunt coherentes a setentrione domus quondam THOME PARCANUE, ab occidente domus quondam CITODARE et domus RAIMUNDI de NICIA quondam, a meridie domus comunis Ianue, ab occidente domus IACOBI MUSSI.

Item domos quinque et guastinam unam cum ipsis domibus tenentem, quibus coheret ab occidente domus quondam SETEDARIE, a meridie domus quondam TARSIE, a septentrione jardinum quondam IOHANNIS veneti, ab oriente domos quondam GUILLIELMI MUSSI et GONELLE.

Item retro lobiam comunis, domos sex quibus coheret ab occidente domus quondam Tarsie, a duabus partibus via publica, et ab alio latere via privata.

Item retro dictam lobiam, domos tres, quibus coheret ab occidente domus archiepiscopi, et a septentrione et meridie via publica, et ab alio latere lobia comunis.

Item iuxta dictam lobiam, domum unam cui coheret volta a duobus lateribus, et a meridie et ab occidente domus IACOBI MUSSI.

Item domum unam, que est iuxta palacium comunis, cui coheret ab occidente palacium comunis, ab alio latere domus archiepiscopi, et antea et a latere, via publica.

Item palacium comunis cum massara et volta una que sunt retro

ipsum, cui coheret ab oriente domus Templi, a meridie domus quondam HENRICI de TORTA et PHILIPPI CAMELLI, ab occidente domus archiepiscopi, ab oriente domus comunis Ianue, et antea via publica.

Item plateam lobie comunis Ianue cum hedifficio, quo cepta est hedifficari, cui coheret a tribus lateribus via publica, et retro domus co· munis.

Item quandam guastinam, ubi olim fuit furnus comunis Ianue, cui coheret a tribus partibus via, a septentrione domus quondam BALDOINI ARMINIJ.

Item domum unam, que fuit empta comuni, a quadam Rosa nomine, cui coheret retro palacium comunis Ianue, ab uno latere comunis Ianue domus, et antea via publica, ab alio latere domus GEORGII de CAPELLANA.

Item in ruga auri fabrorum duo balnea insimul, quibus coheret ab oriente domus quondam IOHANNIS auri fabri.

Item terciam partem introitus cathene Tyrensis.

Item domum quandam quondam PETRI PENNESINPE, quam consules predecessores acceperunt comuni, cui coheret a duabus partibus domus archiepiscopi, ab alia domus RAMONDI SOLDANI et Templi, a meridie domus Iudeorum, ab occidente domus quondam SYMONIS, et a septentrione via publica.

Item invenit extra civitatem Tyrensem campum unum terre quod dicitur Lo Aracha, ubi est massara comunis Ianue iuxta conductum aque versus orientem, continens usque ad magnam pillam conducti magni et a septentrione etiam coheret ei terra Venetorum, infra quas coherentias est fossatum unum in medio versus occidentem, usque in mare, et a meridie est molendinum Venetorum et terra archiepiscopi que dicitur Tyronum.

Item circa dictum Tyronum, quandam peciam terre planam, que protenditur usque ad molendinum comunis iuxta terram IACOBI CAYME. Infra vero campum predictum superius nominatum de Lo Racha est aqua, in tribus partibus labens que aqua est comunis, licet a dominis comuni impediatur.

Item peciam unam de terra que est infra molendinum comunis Ianue et comune Venetorum et superius coheret eidem terre, Tyroni dicti, et inferius via publica.

Item invenit dictus consul molendinum comunis et casale comunis qui dicitur Sanctus Georgius cum ejus territorio et pertinentiis, coheret ei quoddam casale quod vocatur Nobles a meridie via mediante, ab oriente montanea IACOBI CAYME, que dicitur Farachia, a septentrione montanea IACOBI CAYME, Continens cum dicta montanea alia; et ab occidente terra cujusdam casalis que dicitur Sechilia usque ad dictum casale, partim terra comunis.