fratribus et pauperibus istas presentes litteras dedi cum sigillo meo proprio sigillatas. Actum anno Domini M°. CC°. quinquagesimo quarto, mense decembris.

CCLXXIX.

De redditu ecclesie de Castellione (1).

Novembre 1255.

Universis presentes litteras inspecturis, M. de Gallandia, archidiaconus Dunensis in ecclesia Carnotensi, salutem in Domino. Noveritis nos recepisse et habuisse a magistro et fratribus elemosine Castriduni viginti libras dunensium in pecunia numerata, et illa pecunia in qua tenebantur dicti magister et fratres persone ecclesie de Castellione nomine ecclesie sue pro lite mota diu est inter ipsos magistrum fratres et personam predictam de Castellione. De quibus viginti libris predictis tenentur dictos magistrum et fratres deliberare erga personam dicte eeclesie de Castellione, et eidem persone reddere pro eisdem magistro et fratribus dictas viginti libras in pecunia numerata. In cujus rei testimonium, nos, dictis magistro et fratribus dedimus nostras litteras sigillo nostro sigillatas. Datum anno Domini M°. CC°. quinquagesimo quinto, mense novembris.

CCLXXX.

De quodam stallo in Burgo Novo ante furnum (2).

Février 1256.

Omnibus presentes litteras inspecturis, Officialis archidiaconi Dunensis, salutem in Domino. Noveritis, quod in nostra presentia constituti, Jaquelina, relicta defuncti Frageri Chatri, Mattheus, filius dicte relicte, et Maria, soror dicti Mathei, recognoverunt se dedisse et in puram et perpetuam elemosinam concessisse Deo et pauperibus elemosine de Castriduno, quoddam stallum quod habebant situm in Burgo Novo, ante furnum dicti loci, in censiva senescalli de Bosco Rufin, promittentes, dicti relicta, Matheus et Maria, per fidem suam in manu nostra corporaliter prestitam, quod contra dictam donationem seu concessionem non venient in futurum. Immo promiserunt, sub dicte fidei datione, quod in dicto stallo jure hereditagii, dotis, seu dotalicii vel

(1) Original, B. 332, 1.o 2.

(2) Original, A. 72.

quolibet alio jure, nichil de cetero reclamarent nec facient ab aliquo reclamari. In cujus rei testimonium, nos, ad preces et petitionem dictorum relicte, Mathci et Marie, dedimus magistro et fratribus dicte elemosine istas presentes litteras sigilli nostri munimine roboratas. Datum anno Domini M°. CC°. L°. sexto, mense februarii.

CCLXXXI.

De quodam censu in clauso de la Mauratiere juxta cheminum Aurelianensis (1).

Juillet 1256.

Omnibus presentes litteras inspecturis, Officialis archidiaconi Dunensis, salutem in Domino. Noveritis, quod in nostra presentia constitutus, Herbelinus de Abbatia dedit et in perpetuam elemosinam concessit domui elemosinarie de Castriduno quintam partem sex denariorum censualium quos habebat sitos super quamdam peciam vinee sitam juxta cheminum Aurelianensem in clauso de la Mauratiere, promittens per fidem suam in manu nostra corporaliter prestitam, quod dictam elemosinam de cetero nullatenus revocaret, Recognovit insuper idem Herbelinus se vendidisse et nomine venditionis in perpetuum concecisse residuum dictorum sex denariorum censualium cum omni jure et dominio ad dictum censum pertinenti pro decem solidis dunensium, de qua pecunia idem Herbelinus se tenuit coram nobis plenarie pro pagato, fide media in manu nostra corporaliter prestita, promittens quod contra dictam venditionem nec elemosinam per se vel per alium non veniet in futurum. Immo sub dicte fidei datione, promisit dictis magistro et fratribus dictas elemosinam et venditionem ad usus et consuetudines dunensis patrie garandire. Has autem elemosinam et venditionem voluerunt et concesse rant Petronilla uxor sua, Guilielmus Mollart et Agnes uxor dicti Guillelmi, et filia dicti Herbelini. Qui predicti Petronilla, Guillelmus et Agnes promiserunt per fidem suam in manu nostra corporaliter prestitam, quod contra dictas venditionem nec elemosinam jure dotalicii, hereditagii seu quolibet jure alio, per se seu per alium non venient aliquatenus in futurum. In cujus rei testimonium et munimen, nos, ad preces et petitionem dictorum Herbelini, Petronille, Guillelmi et Agnetis, dedimus dictis magistro et fratribus dicte elemosine istas presentes litteras sigilli nostri munimine roboratas. Datum anno Domini millesimo CC. quinquagesimo sexto, mense julio.

CCLXXXII.

De uno sextario terre apud Villam in Blado (1).

Novembre 1256.

Omnibus presentes litteras inspecturis, Officialis Dunensis, salutem in Domino. Noveritis, quod in nostra presentia constituti, Stephanus Milet, de Villa in Blado, et Matildis ejus uxor, recognoverunt se dedisse et in perpetuam elemosinam concessisse Matheo de Villa in Blado, clerico, quondam filio defuncti Radulphi Vetule, unum sextarium integrum terre semente de quinque sextariis integris terre semente quos dicti Stephanus et Matildis habebant, ex hereditagio dicti Stephani, moventibus sitis apud Villam in Blado in quinque peciis terre, partim in censiva domus elemosinarie de Castroduno, partim in censiva Theobaldi de Matueriis et partim in censiva Marie la Caillarde. Quam elemosinam dicti Stephanus et Matildis promiserunt, per fidem suam in manu nostra corporaliter prestitam, nullatenus revocare. Immo,. sub dicte fidei datione, promiserunt dictam elemosinam dicto Matheo et ejus heredibus in perpetuum firmiter contra omnes garandire. Recognoverunt insuper dicti Stephanus et Matildis, se dicto Matheo, dicta quatuor sextaria integra terre semente residua vendidisse et nomine venditionis in perpetuum concessisse pro sexdecim libris turonensium, de qua pecunia dicti Stephanus et Mathildis se tenuerunt, coram nobis, plenarie pro pagatis, fide ipsorum media in manu nostra corporaliter prestita, promittentes quod contra venditionem istam nec etiam elemosinam supradictam, jure hereditagii, dotalicii seu dotis, vel quolibet jure alio, per se seu per alium non venient aliquatenus in futurum. Et promiserunt dicti Stephanus et Matildis, sub dicte fidei datione, se dicto Matheo et ejus heredibus dictam venditionem contra omnes ad usus et consuetudines dunensis patrie garandire. Promiserunt insuper dicti Stephanus et Matildis tam in datione elemosine quam in venditione terre supradicte, dicta quinque sextaria terre semente esse quita et libera ab omni rediverentia, exceptis quatuor solidis pro censu et excepta decima. Promiserunt insuper dicti Stephanus et Matildis, sub dicte fidei datione, quod si quinque sextaria terre semente non invenirentur integre in venditione et elemosina supradictis, quod ipsi Stephanus et Matildis tenerentur perficere; et de perfectione facienda si necesse fuerit et de garandizatione rerum predictarum ut dictum est facienda, obligaverunt dicti Stephanus et Matildis se et bona sua. In cujus rei testimonium et munimen, nos, ad petitionem dictorum Stephani et

(1) Copie du XVIIe siècle, A. 7, no 107.

Matildis, dicto Matheo istas presentes litteras dedimus sigilli nostri munimine roboratas. Datum anno Domini M°. CC. quinquagesimo sexto, mense novembris.

CCLXXXIII.

De terris apud Villam in Blado (1).

Novembre 1256.

Omnibus presentes litteras inspecturis, ego Theobaldus de Matueriis, miles, salutem in Domino. Noveritis quod de quinque sextariis terre semente que Stephanus Milet, de Villa in Blado, et Matildis ejus uxor, habebant ex hereditagio dicti Stephani, moventibus sitis apud Villam in Bladum in quinque peciis terre partim in censiva mea, partim in censiva domus elemosinarie de Castroduno, et partim in censiva Marie la Caillarde, pro indiviso, dicti Stephanus et Matildis in mea presentia constituti, Matheo de Villa in Blado, clerico, filio defuncti Radulphi Vetule, dederunt et in puram'et perpetuam elemosinam concesserunt unum sextarium dicte terre semente, promittentes, per fidem suam in manu nostra corporaliter prestitam, quod contra dictam elemosinam jure hereditagii, dotis, sive dotalicii, vel quolibet alio jure, per se vel per alium nou venient in futurum. Recognoverunt insuper dicti Stephanus et Matildis dicta quatuor sextaria terre semente residua dicto Matheo vendidisse et nomine venditionis in perpetuum concecisse pro sexdecim libris turonensium, de qua pecunia dicti Stephanus et Matildis se tenuerunt coram nobis plenarie pro pagatis, fide ipsorum media in manu nostra corporaliter prestita, promittentes quod contra dictam venditionem jure hereditagii, dotis, sive dotalicii, vel quolibet alio jure, per se seu per alium, aliquatenus non venient in futurum; et promiserunt dicti Stephanus et Matildis, sub dicte fidei datione, se dicto clerico et ejus heredibus dictas venditionem et elemosinam ad usus et consuetudines dunensis patrie contra omnes garandire. Promiserunt insuper dicti Stephanus et Matildis, tam in datione elemosine quam in venditione dicte terre, dicta quinque sextaria terre semente esse quita et libera ab omni rediverentia, exceptis quatuor solidis pro censu et excepta decima. Promiserunt insuper dicti Stephanus et Matildis, sub dicta fide sua, quod si quinque sextaria terre semente non invenirentur integre in venditione et elemosina supradictis, quod ipsi Stephanus et Matildis tenerentur perficere; et de perfectione facienda, si necesse fuerit, et de garandizatione terrarum predictarum pro ut dictum est facienda, ipsi Stephanus et Matildis

(1) Copie du XVII siècle, A. 7, n° 108.

obligaverunt se et omnia bona sua. Et quia dicti Stephanus et Matildis de dictis quatuor solidis censualibus de quibus ad me duo solidi censuales pertinent, dictos duos solidos michi vel mandato meo consueverant reddere apud Matuerias, ego Theobaldus, ad preces bonorum [virorum] et amore Dei, concessi dicto Matheo et ipsius heredibus quod ipse Matheus et heredes sui michi et heredibus meis de cetero reddent dictos duos solidos censuales apud Castrumdunum in qualibet nativitate beate Marie Virginis. Volui etiam et concessi quod ego, seu heredes mei, non possumus de cetero dictum Matheum vel heredes suos capere alibi, reddere dictos meos duos solidos censuales quam in dicto loco apud Castrumdunum noviter constituto. In cujus rei testimonium et munimen, ego, ad petitionem dictorum Stephani et Matildis, dicto Matheo dedi litteras sigillo meo proprio sigillatas. Datum anno Domini Mo. CC°. quinquagesimo sexto, mense novembris.

CCLXXXIV.

De nemore de Bello Visu inter Bordas et Fontem Marie (').

Juillet 1257.

Ego Ysambardus de Sancto Deodato, castellanus Castriduni, notum facio universis presentes litteras inspecturis, quod cum verteretur contentio coram me inter Michael Senglier ex una parte, et magistrum et fratres Elemosine Castriduni ex altera, super hoc quod dictus Michael petebat coram me et in jure a dictis magistro, et fratribus, quod ipsi nemus de Bello-Visu, situm inter Bordas et Fontem Marie et fundum terre dicti nemoris quod tenebant et possidebant extra suam manum ponerent, cum dictus Michael, ad cujus feodum dictum nemus sine medio dignoscitur pertinere, non vellet nemus predictum poni in manu mortua vel etiam remanere; item verteretur contentio coram me inter dictos magistrum et fratres ex una parte, et Petrum de Mesio, militem, ex altera, super hoc quod dicti magister et fratres petebant coram me et jure a dicto Petro quod ipse honus litis pro ipsis magistro et fratribus in se susciperet contra dictum Michaelem, et quod idem Petrus dictum nemus cisdem magistro et fratribus erga dictum Michaelem deffenderet et penitus liberaret, cum idem miles se obligasset ad hoc erga dictos magistrum et fratres per litteras sigillo suo proprio sigillatas, sicut idem miles confessus fuit coram me tandem de bonorum virorum consilio, ita fuit compositum et pacificatum inter dictos Michaelem Senglier, magistrum et fratres et dictum Petrum; quod dictus Petrus pro bono pacis dedit et

(1) Copie du xvII' siècle, A. 7, no 118.