plures fuerint, juxta numerum leprosorum; et tales leprosi ad insulam, postquam semel fuerint, non debent redire de octo diebus.

De festivitatibus. Ad quid coquinarius

teneatur.

I. Item, die Circumcisionis, tenetur dare coquinarius in prandio porratam cum carnibus salsis; item generale de carnibus mutoninis cum euruca; item cirogrillos cum bono civerio, videlicet inter duos canonicos quatuor frustra cirogrilli et de cirogrillo debent fieri novem frustra tantum cum capite; sed caput in reffectorio dare non debet. Et sic etiam observare tenetur prepositus, quando dare debet conventui cirogrillos. Item dare debet coquinarius, dicta die Circumcisionis, bonhetas cum zucare, et crespas etiam cum zucare, habundanter. Et debent bonhete et crespe hujusmodi, expensis ipsius coquinarii, decoqui in lardo porcino funduto. Et sic etiam servare tenetur prepositus, quando bonhetas seu crespas conventui dare tenetur. Item tenetur dare coquinarius, dicta die Circumcisionis, caseum et nebulas cum nectare, videlicet de pimentis cum melle, ad duo sextaria vini, quod vinum prepositus bonum et clarum dare tenetur pro ipso nectare faciendo: et de nebulis debet dare, dicta die, coquinarius octogintas. Item, eadem die, in cena tenetur dare coquinarius coxas porci salsas et caseum et fructus, scilicet poma, pira, dactilia, ficus et avellanas, prout prepositus in die Natalis Domini dare tenetur. Item, si dictum festum Circumcisionis occurrat in diebus veneris vel sabbati, tenetur dare coquinarius porratam cum bonis piscibus salsis; item bonos pisces recen

tes, coctos in aqua cum bono piperato; item pisces frixos cum petrosillo; item bonhetas et crespas de piscibus vel de caseo bono. Item in cena debet dare pisces frixos, videlicet unum bonum frustum piscis frixi cuilibet: et alia, ut supra dictum est de caseo et fructibus, quando carnes comeduntur.

II. Item, in die Ascensionis Domini, tenetur dare coquinarius primo morlayrols; item carnes mutoninas cum carnibus salsis et euruca; item edulos in veruto, scilicet quadrantem dimidium inter duos; item caseum : item in cena ejusdem diei carnes salsas et ca

seum.

III. Item, in festo Sancti Johannis Baptiste, tenetur dare coquinarius carnes porcinas recentes, cum salsa dicta sols; et alia omnia sicut in festo Ascensionis Domini dare tenetur, excepto quod in cena non tenetur dare carnes salsas; sed caseum dare tenetur.

IIII. Festivitates autem quatuor caparum antiquarum, de quibus superius est facta mentio, sunt hec, videlicet festa Purificationis Beate Marie, Cathedre Sancti Petri, Annunciationis Dominice, in crastinum Pasche, Sancti Pancracii, in crastinum festi Pentecostes, Apostolorum Petri et Pauli, Sancti Jacobi, Vincula Sancti Petri, Assumptionis Beate Marie, Sancti Augustini, Nativitatis Beate Marie, Omnium Sanctorum, et Sancti Nicholai. Et in istis festivitatibus quatuor caparum antiquarum, excepto festo Sancti Augustini, tenetur dare coquinarius carnes mutoninas cum carnibus salsis; item edulos in veruto, vel lousas porci, juxta temporis cursum, vel carnes porci recentes cum sols: videlicet dare tenetur, a festo Purificationis Beate Marie usque ad festum Sancti Johannis

Baptiste exclusive, edulos in veruto; et a festo Sancti Johannis usque ad Nativitatem Beate Marie debet dare quatuor pecias de carnibus porcinis in sols inter duos, bonas et sufficientes: et a Nativitate Beate Marie usque ad Adventum Domini debet dare lonsas porci in dicto veruto. Item debet dare in dictis festivitatibus caseum. Item in crastinum Pasche, et in crastinum festivitatis Pentecostes, et in festo Omnium Sanctorum, tenetur dare coquinarius in cena carnes salsas et caseum. Item in dictis festivitatibus quatuor caparum antiquarum, que veniunt seu occurrunt in diebus quadragesimalibus, et aliis quibus carnes non comeduntur, debet dare coquinarius de tribus piscibus; et illud idem eisdem diebus quadragesimalibus, vel quibus carnes non comeduntur, extra dicta festa, quando misericordie fiunt seu occurrunt in eisdem. A festo autem Pasche usque ad festum Sancti Luce, debet dare caseum coctum, diebus quibus carnes non comeduntur, loco piscium salsatorum.

V. Festivitates vero duarum caparum, de quibus mencio est superius habita, sunt hec, scilicet festa Sanctorum Innocentium, feria tercia post Pascha, feria tercia post Pentecosten; et in istis festivitatibus tenetur dare coquinarius carnes mutoninas cum euruca, et carnes salsas, sicut in diebus lune pe circulum anni; et idem de carnibus salsis in festivitatibus quatuor caparum, et de caseo; item idem per omnia in festivitatibus Conversionis Sancti Pauli, Sancti Laurentii, Sancti Firmini, Sancti Martini et Sancti Andree. Et in hiis festivitatibus duarum caparum sunt misericordie; et in ipsis prepositus, ut supra facta est mencio, providere tenetur. Si vero pre

misse festivitates venerint seu occurrerint diebus quibus carnes non comeduntur, prepositus debet dare coquinario, singulis ipsarum festivitatum, quadraginta solidos, pro piscibus; et coquinarius tenetur dare conventui de tribus piscibus. Est autem sciendum quod, si hujusmodi festivitates duarum. caparum venerint seu occurrerint diebus quibus carnes non comeduntur, debet dare coquinarius de duobus piscibus recentibus, in aqua bollitis, et etiam frixis, videlicet quatuor frustra bona de piscibus coctis in aqua, et de frixis tria frustra inter duos ; et etiam caseum dare tenetur.

VI. Item tenetur coquinarius providere regulariter per totum annum, omnibus diebus dominicis, martis et jovis, excepta Quadragesima, et exceptis diebus quibus prepositus tenetur facere convivia generalia, de cibariis in parapside. Et regulariter per totum annum debet dare eurucam, exceptis diebus in quibus prepositus facit convivia: et prepositus semper tenetur dare acetum pro facienda euruca. De cibariis vero in parapside, ut dictum est, debet coquinarius providere. Sed a festo Omnium Sanctorum usque ad feriam quartam in Capite jejuniorum, debet caules dare, sive grels; et a festo Pasche usque ad festum Sanctorum Petri et Pauli debet dare herbas; et a festo Sanctorum Petri et Pauli usque ad finem mensis augusti debet dare cucurbitas seu cogorlas; et a fine augusti usque ad festum Omnium Sanctorum debet dare herbas tritas. Et in festivitatibus quatuor vel duarum caparum antiquarum debet dare ris, vel cissera, diebus quibus non comeduntur carnes. Et est sciendum quod de predictis omnibus tenetur dare coquinarius parentibus,

sicut uni canonico, et aliis bonis gentibus, juxta qualitatem et conditionem personarum.

VII. Item, quando veniunt messaderii pro missis celebrandis, debet dare coquinarius in cena inter duos unum cartonem mutonis, et de carnibus salsis competenter, et de caseo sufficienter, juxta numerum messaderiorum, et secundum conditionem personarum et discretionem cellararii. Item in crastinum in prandio debet dare dictus coquinarius inter duos unum cartonem mutonis, vel plus, juxta conditionem personarum, et de carnibus salsis competenter, et de caseo sufficienter, exceptis diebus lune et mercurii, quibus diebus dictus coquinarius providere tenetur dictis. messaderiis, sicut uni canonico. Item, tempore quo comeduntur pisces, debet dare coquinarius in cena inter duos messaderios unam rationem seu portionem conventus de piscibus recentibus, et de piscibus salsis, et de caseo similiter; item in crastinum, scilicet in prandio, sex anguillas salsas inter duos, et de piscibus recentibus tria frusta, et alia tria de piscibus frixis, et de caseo sufficienter. Et, si pisces non reperiantur, tenetur dare dictis messaderiis de caseo cum scutella, et inter duos decem ova, vel quinque cuilibet.

VIII. Item, in sabbato Ramispalmarum et in Cena Domini, tenetur dare coquinarius pauperibus, in mandato generali, de sauzenga cum anguillis recentibus vel de anguillis salsis, sin autem generale de aliis piscibus. Item, in aliis mandatis que fiunt cotidie per totum annum, tenetur coquinarius providere tribus pauperibus, et eis dare cibaria in omnibus et per omnia, cuilibet ipsorum pauperum sicut uni canonico, excepto quod eis dare caseum

non tenetur. Et ad hec omnia et singula que supra scripta sunt, quod videlicet coquinarius teneatur de companatico providere, videlicet de carnibus, piscibus, ovis et caseo, etiam tenetur dictus coquinarius providere parentibus et amicis canonicorum, et messaderiis, et omnibus comorantibus in insula, de dicto companatico, exceptis garciferis, quibus non tenetur dare, nisi quando serviunt infirmis canonicis. Non tamen intelliguntur excepti garciferi euntes et redeuntes, nec venientes cum funeribus per terram vel aquam, cujuscumque conditionis existant, nec alii qui continui non existunt. Item tenetur dare dictum companaticum coquinarius pauperibus clericis, et etiam judeis et sarracenis, propter humanitatem et spem conversionis ad fidem, ad insulam venientibus, et ibidem comedere volentibus, ut est aliter fieri consuetum cuilibet, juxta sui conditionem et statum, et etiam canonicis cuntibus per aquam ad peregrinationes vel romatgia, seu ad domos proprias vel paternas, aut ad partes alias, propter sua negocia, seu ad ordinationes aut assignationes ecclesiarum, vel ad mare, seu alibi, causa spaciandi; item parentibus et amicis canonicorum, et aliis bonis personis, nobilibus et innobilibus, undecumque veniant et vadant per aquam; et etiam messaderiis, vel cum funere venientibus exceptis tamen illis diebus quibus prepositus facere generalia convivia est astrictus. Et ista etiam intelliguntur prout in speciali statuto prepositi de pane et vino extitit ordinatum, ut videlicet coquinarius illis de dicto companatico teneatur providere, quibus dictus prepositus de pane et de vino providere

tenetur.

IX. Item, quando veniunt tales per

sone nobiles, ut sunt prelati, nobiles clerici, milites, vel alii laici talis status, quibus non sufficiat dare epulas conventus, debet eis dictus coquinarius sufficienter et habundanter ac graciose, [tam] de aliis cibariis, quam de comunibus providere, ut de gallinis et verutis, et similibus; et diebus quibus carnes non comeduntur, de bonis piscibus ultra ordinarium. Et hec videlicet, que talibus ultra ordinarium dantur, tam prepositus quam coquinarius solvere comuniter sunt astricti; que cibaria extraordinaria cellararius procurare tenetur et solvere, nomine dictorum prepositi et coquinarii, recuperaturus postea, quod est sibi facile, ab eodem, quia dictus cellararius hospites admittere et recolligere tenetur.

X. Item, quando aliquis canonicus vult facere preparari caules, grels, vel spinargia, vel pisces, vel quidquid sit aliud, pro quibus parandis sit oleum necessarium, coquinarius tenetur cuilibet satis de dicto oleo dare, in quacumque parte insule predicta preparentur, nisi preparentur in infirmaria propter infirmos, quia tunc infirmarius de dicto oleo providere tenetur.

XI. Item tenetur ponere coquinarius, suis expensis, in piperato, quando conventus comedit pisces, scilicet duas porciones piscium recentium, et in ipso piperato debent teri seu moli.

XII. Item coquinarius non potest mutare aliqua generalia fercula, nisi de voluntate et assensu prioris claustralis et capituli cotidiani, vel majoris partis; et tunc tenetur dare salsam, secundum quod carnes vel pisces que dabit requirunt. Et quando dat carnes bovinas, debet ponere in piperato duas porciones, bonas et sufficientes, ipsius bovis, que terantur in ipso piperato.

XIII. Item, in vigilia Nativitatis Domini, tenetur coquinarius, suis expensis, projicere in capitulo et in claustro herbam, scilicet nertam et romarinum ; et in Sabbato sancto laurum per parietes, et tritum seu capolatum per capitulum et per claustrum.

XIIII. Item, in prima die dominica Adventus Domini, et in die Carniprivii, tenetur dare coquinarius in prandio verutum de carnibus edulinis; et in die Sancte Lucie, et in die veneris post Pascha tenetur dare omnibus venientibus, et messaderiis, vel gentibus venientibus cum funere, et aliis quibuscumque, pisces, exceptis canonicis et illis qui veniunt pro misericordia, et exceptis illis qui accipiunt portionem canonicorum et mandatum cotidianum, et exceptis conversis.

XV. Item tenetur coquinarius facere et refficere ac reparare payrols et payrolas, escumadoyras, sartagines, parvas et magnas, et astes parvos et magnos, asterios ferreos, cassas parvas et magnas, et tabularium, et grasilhas parvas et magnas, et omnia alia utensilia coquine, exceptis hiis ad que prepositus est astrictus.

XVI. Item tenetur coquinarius facere et refficere cameram in qua jacet.

XVII. Item debet coquinarius reficere dispensatorium inferius et superius, et de novo facere, si est opus. Prepositus vero tenetur facere et refficere gradarium coquine.

XVIII. Item tenetur coquinarius facere mortaria, trissones et molendina, pro euruca paranda.

XIX. Item, quando canonici vadunt ad ordines, ad diversas partes, in episcopatu vel extra, debet eis providere coquinarius, ut superius scriptum est in titulo De preposito speciali.

XX. Item tenetur coquinarius dare priori de Nieuts, omnibus diebus dominicis, martis et jovis, unam peciam duplicem de carnibus mutoninis, si tamen illis diebus carnes comedantur. Item, si die lune vel mercurii occurrerit festum quatuor vel duarum caparum antiquarum, tenetur dare coquinarius dicto priori de Nieuts de mutone unam peciam duplicem, vel totidem de bove, vel totidem de carnibus porcinis, prout conventus comedet dictas carnes, et de veruto etiam unam peciam duplicem, et de carnibus salsis unam peciam duplicem, et de omnibus aliis de quibus conventui providere tenetur.

XXI. Item tenetur coquinarius, in vigilia Ascensionis Domini, dare conventui, si possit reperiri in Montepessulano, de pisce dicto esturjon, simul cum alio generali piscium. Et, si illa die reperiri non possit, ipsum tenetur dare altera die eodem modo; in cujus piscis precio tenetur ponere et expendere dictus coquinarius viginti solidos, quos prior Sancti Nazarii, dyocesis. Magalone, et canonicus Sancti Ruffi, pro illa causa, ipsi coquinario, annis singulis, facere solvere est astrictus: et ultra dictos viginti solidos expendere in emendo dicto pisce minime sit astrictus.

XXII. Item tenetur coquinarius, in die Carniprivii, sufficienter de caseo providere.

XXIII. Item tenetur coquinarius providere familie prepositi, vestiarii, infirmarii, et subscobolario, ut sequitur : primo debet dare, scilicet diebus dominicis, martis et jovis, inter duos porciones duorum hospitum.

XXIIII. Item illis qui morantur in molendinis de insula Magalone debet quotidie dare, quando in ipsis molen

dinis demolitur bladum, portiones duorum hospitum inter duos.

XXV. Item tenetur providere dicte familie, in festo quatuor et duarum. caparum antiquarum, de duabus carnibus; et in vigiliis jejunabilibus dictarum festivitatum quatuor et duarum caparum, tenetur eis dare portiones piscium, et etiam in aliis diebus jejunabilibus, excep tis diebus lune, mercurii, veneris et sabbati Quadragesime et Adventus Domini, et exceptis vigiliis Beate Marie, preter vigiliam festi Beate Marie de augusto.

XXVI. Item, si predicte festivitates quatuor vel duarum caparum antiquarum occurrant diebus quibus carnes non comeduntur, tenetur dare dicte familie de duobus piscibus, scilicet recentibus et salsis.

XXVII. Item tenetur dare familie furni, qui sunt quatuor, in Quadragesima, singulis diebus dominicis, inter duos unum allec. Item tenetur dare dicte familie de furno cotidie, tam in diebus quibus carnes comeduntur, quam aliis, porciones sicut uni canonico.

XXVIII. Item tenetur dare portiones, sicut uni canonico, salerio, dispensatori, bajulo cellarii, coquo, scobolario majori, barbitonsori, quando radit vel flebotomisat conventum, magistro majori operis prepositi, qui comedunt in mensa salerii supradicti.

XXIX. Item tenetur dare portiones duorum hospitum piscatoribus manegueriarum Magalone, ut aliis vercayralibus prepositi, quando idem prepositus eos tenet ad manum suam.

XXX. Item tenetur dare, singulis diebus dominicis Quadragesime, familie helemosinarii, pro cena, unum allec.

XXXI. Item tenetur coquinarius pro