tam partem, et totam aliam quartam partem quam retinui in manu mea dedi sine ullo retinaculo sancto prothomartyri Stephano. Hoc donum audierunt, et auctorizaverunt filii mei, Willelmus Rasa, et Petrus, et Mainardus, qui accepit a dompno Iterio abbate de peccunia loci XXX solidos, pro auctorizatione. Aliam quartam partem quam dedit filiis suis, dedit Aleaiz de Calisio filia supradicte Arsendis sancto Stephano, vidente fratre suo Willelmo, et auctorizante Arnaldo de Vernula, in presentia dompni Iterii abbatis, et accepit de abbate XL solidos, et insuper locum suum. Et filius Iterii Bebria qui fuit de alia filia dedit suam partem sancto Stephano, vidente patre suo. Dompnus abbas dedit unum equum Willelmo Rase propter hoc quod placitavit cum sua matre et sua sorore. Et Willelmus de Ciresio habebat de alia medietate partem in dominio, et dedit sine ullo retinaculo sancto Stephano, et accepit in escam (escambium?) obtimam terram, quam habebat illo die locus sancti Stephani, et est ista terra ad Ciresium. Hoc donum vidit Ademarus de Venzac. Item Iterius de Barret et frater suus Bernardus, et Ramnulfus de Aluinac habebant de alio quarto medietatem, et dedit dompnus Iterius abbas XX solidos illis fratribus, et Ramnulfus de Aluinac habebat in fevo suam partem de Willelmo Rasa, et ipse habebat de sancto Stephano, et dedit dompnus abbas Ramnulfo de Aluinac per suam partem quam dedit sancto Stephano, borderiam unam de Cantilac, quam dedit pro filio suo Ademaro monacho ipse Ramnulfus, et aliam borderiam Mainardi Porcarii, et totam terram de Chechavila quam ille habet, totum hoc dedit Willelmo Rase in fevo. Et de hoc quod remanet habebat Mainardus prepositus medietatem in fevo de Aimone Rotberto et fratribus suis, et dedit abbas Aimoni, quando auctorizavit donum, XV solidos, et ille et omnes fratres ejus acceperunt locum beneficii. Et dedit abbas snpradicto Mainardo C solidos, et unam borderiam, et dimisit sine ullo retinaculo sancto Stephano. Et Ademarus Acbrant et frater ejus Ostindus de hoc quod remanet habebant medietatem, et dedit Ostendus sancto Stephano suam partem et Ademarus Acbrant, et habet de abbate in fevo unam borderiam ad Meciacum. Et de hoc quod remanet sunt participes tota alia parentela Gaucherii, et Gaucherius et Arnaldus consanguineus ejus, et Arsendis vel Rinxendis sorores Gaucherii dederunt sancto Stephano quantumcumque pertinebat ad partem illorum. Et filio Ramnulfi Ainardi qui erat de ista parentela dedit domnus abbas duos quarterios vinearum, et XX solidos, propter suam parvissimam partem quam dedit sancto Stephano. Et Seguino Ainardi qui erat de ista parentela dedit in fevo quam diu viveret unam borderiam ad Cantilac, et post discessum ejus esset dominica sancto Stephano, et ille Seguinus et fratres ejus auctorizaverunt partem illorum de isto alodio sancto Stephano.

Et uxor Geraldi Ramnulfi erat de ista parentela, et illa et filii eorum dederunt sancto Stephano, et monachi dederunt ei XII solidos. Et Arnaldo Gauscelmo dedit domnus Iterius abba pro sua parte quam habebat de isto alodio medietatem de una borderia que est juxta domum Constantini Durant, et est talis convenientia ut post discessum ejus sit tota indominica sancto Stephano sine ullo retinaculo, et vineas que sunt juxta hanc terram. Et uxor Bernardi Creba terra habebat unam particulam, et abbas dedit ei VII solidos, et sue uxori tres. Et Arnaldus de Cantulac erat prepositus de medietate alodii, et dedit abbas XI solidos, et dimisit hoc quod habebat. Factum est donum istud in presentia Iterii abbatis, regnante Philippo rege, atque gubernante Bosone Xanctonensem ecclesiam. Et ipse episcopus habebat suam partem in isto alodio, et affirmavit hanc cartulam esse firmam in presentem (sic), concedente et auctorizante domno Arnaldo de Monteauserio qui in suis silvis vel in saltibus habitantibus sua pascua dedit in presentia domni Iterii abbatis, audiente Willelmo Rasa, atque Ademaro Acbrant.

CLXV.

DE BONR (BORN).

Filii Oioirie Willelmus scilicet Bernardi, et Geraldus, et Helias frater illorum, unanimiter cum matre sua requirebant quandam partem de feodo presbyteri, monachis sancti Stephani Beanie de ecclesia sancti Johannis de Cantiliaco, requirebantque particulam de decima de Born. Postea vero talis concordia fuit inter illos et monachos sancti Stephani, quod monachi darent illis XXX solidos, et ipsi relinquerent quod requirebant. Triginta vero solidos habuerunt, donumque toti tres cum matre fecerunt. Testes qui viderunt et placitum fecerunt, fuerunt, Willelmus Gurpit, qui tempore illo capitalis erat castri de Mont Maurel, et Aimo de Peldrit, atque Iterius frater suus, nec non Geraldus Franols, et Helias Bermont, et alii plures. Et qui hoc donum aliquo modo inquietare voluerit, anathema sit.

CLXVI.

DE CIRESIO.

1098.1109.

Hoc est donum quod fecit Reinaldus Uncberti et uxor sua Amelia, et filii

sui Arnaudus et Gauffridus, pro redemptione animarum suarum, de alodio quod habebant Ciresio; in presentia dompni Ademari abbatis dederunt quod ad partem illorum videbatur procedere Deo et sancto prothomartyri Stephano. Testes qui viderunt et audierunt fuerunt monachi, videlicet Ademarus monachus nepos ejus, sive Iterius, et Arnaldus monachus, et alii plures. Qui a loco voluerit auferre, auferat illi Deus partem celestis regni. Amen.

CLXVII.

DE CIRESIO.

Avant 1075.

Ego Mainardus et Aleaiz que filia fuit Gislemundi et mater sua, et filii nostri Mainardus et Rigaldus et Willelmus et Gislemundus, cedimus ad monasterium sancti Stephani Beaniensis, pro redemptione animarum nostrarum, vineas que sunt in villa que vocatur Ciresius, totum damus et integrum quantum in illo loco habemus Deo et sancto Stephano sine ullo retinaculo. Hoc donum factum est in presentia domni Seguini abbatis qui presenti tempore rector ecclesie Beaniensis preesse videtur, et in perpetuum jure firmissimo volumus esse concessum. Quod si fuerit ab hoc die ullus qui hoc donum aliqua fraude velit auferre, maledictus permaneat sine fine. Amen.

CLXVIII.

ALIA.

Hoc est donum quod fecit filia Arnaldi Durant, pro redemptione anime patris sui, Deo et altari sancti Stephani de duobus quarteriis de terra, unus est de vinea, et alius de terra plana. Est istud alodium in villa que vocatur Ciresius.

CLXIX.

ALIA.

Constantinus Alaonis dedit Deo et sancto Stephano, pro redemptione anime sue vel parentum suorum, et habet duos quarterios vinearum prope fontem de Ciresio, et alios duos de terra plana que est juxta fontem Xpistianum (christianum). Qui de loco abstulerit ulla fraude, sit excomunica

tus hic et in perpetuum. Amen. Hoc donum viderunt facere Heldradus de Ciresio, et Ademarus Bathalola, atque Willelmus qui vineas de supradicto alodio tenet.

CLXX.

DE MOLENDINO DE CHAMBALO.

1083.-1098.

Guillelmus Gaumar dedit quartam partem de molendino de Cambalo Deo et beato Stephano, et ecclesie de Beania, in manu domni Gislemundi abbatis. Hoc donum vidit et audivit Mainardus de Cyresio, et Mainardus Arnaldi, et Willelmus Alardi, et Ramnulfus Maurel monachus, et alii plures, et abbas dedit illi IIII partem de duobus quarteriis vinearum. Qui a loco abstulerit, maledictus sit. Amen.

CLXXI.

DE MOLENDINO DE CHAMBALO.

1085.-1098.

Mainardus Arnaldi habebat quandam partem videlicet medietatem quarte partis in molendino de Cambalo, et dedit illam partem beato Stephano et ecclesie de Beania, in manu domni Gislemundi abbatis. Huic dono interfuerunt Mainardus monachus, et Ramnulfus monachus, et Willelmus Alardi, et Andro Saborellus. Et qui a loco abstulerit donum istud, accipiat quod Dath et Abiran acceperunt.

CLXXII.

ALIA.

Mainardus de Ciresio habebat quandam partem in molendino quod vocatur Chambalo, et dedit illam partem Deo et beato prothomartyri Stephano et ecclesie de Beania et monachis ibidem Deo servientibus, in elemosina pro anima sua et parentum suorum. Huic dono interfuerunt Iterius de Vilars, et Andro Saborellus, et Willelmus Alardi, et Mainardus de Bren. Qui a loco abstulerit, maledictus sit. Amen.

Guillelmus Gaumar dedit quartam partem de molendino de Chambalo Deo et beato Stephano in manu domni Gislemundi abbatis et ecclesie de Beania. Hoc donum viderunt et audierunt, Mainardus de Ciresio, Mainardus Arnaldi, et Willelmus Alardi, et Ramnulfus Maurel monachus, et alii plures, et abbas dedit illi quartam partem de duobus quarteriis vinearum.

CLXXIV.

DE VERBANC.

Hoc est donum quod fecit Iterius de Bren pro redemptione anime sue Deo et sancto Stephano de duobus quarteriis vinearum, et sunt in loco qui vocatur Auerbain in parrochia sancti Andree, et est factum istud donum vidente Arnaldo priore, et Arnaldo de Bren presbytero.

CLXXV.

DE CHAMPLONC.

Constantinus Faber et filius suus pro redemptione anime sue uxoris dedit Deo et sancto Stephano unum quarterium vinee quam ipsa dimisit pro sua sepultura de suo alodio, et est ista vinea in villa que vocatur Achamplonc. Qui de loco abstulerit, anathema sit.

CLXXVI.

DE MANSO COSTANS DE BROLIO.

1109.-1121.

Notum sit posteritati nostre quod Robbertus de Brolio dedit quandam terram que vocatur mansum Costanz de Brolio Deo et sancto Stephano, et