Presenten.

(De « tresoriers ende ambassadeur » van den Paus komen voor; maar er wordt niet uitdrukkelijk gezeid, dat het is << omme der indulgentien wille ».)

Anno 1457-1458.

Presenten.

Item iii amen wyns van Byane ghepresenteert minen heere van Charloez, doen hi hier ter gracien lach, xxxi April; cost elc ame ii lb. xvi s. gr. Mech. ; maken viii lb. viii s. gr. M.

Item iiii stoope wyns ghepresenteert den heeren den biechtvaderen, doen si tot Meester Jans Steens aten; waeren ghehaelt te ii st. van Byane inden Drake te xiiii g. de ghelte, en ii st. Ryns inden Ram te xii g. de ghelte, ultima Aprilis lviii; comt op vi s. vi d. g. M.

Item ii stoope wyns ghepresenteert Meester Janne Operator, biechtvader myns heeren van Charloes, den enen in den Ram Ryns, den anderen inden Drake, te xiiii g. de gh., i in Mey lviii; comt op iii s. iii d. gr. M.

(Hemelryc de Campo, Michiel Anni, ambassadeur van den Paus, en andere ons bekende namen komen ook voor zonder uitdrukkelyke vermelding der indulgentie).

Menegerande dinghen.

Item betaelt Meester Janne van Bosc voir eene copie, die hy gescreven heeft, die men te Rome gesonden heeft; comt ii s. gr. M.

Item betaelt Lucas Doncker voir x ducaten, die hy Peteren van den Rode te Rome gegeven heeft van der stad weghe, vermits dat hy een iaer lang gesolliciteert heeft de zaken van de stad aldair. Item noch voir vi ducaten en xiii gulden Ryns, die Peter voirs. diversen advocaten ende procureurs gegeven

heeft boven lx guld. Rh., die hy van der stad weghe ontfaen hadde int iaer vorleden, den ducaet gerekend voir liiii g. Vl.; comt vii lb. viii s. gr. M.

Anno 1458-1459.

Dit is duytgheven van der gracie van desen jaer
anno xiiiie lviii en lix.

Primo ghegevene Reynke van Thuyn, voir dat hy langher lach te Roeme dan hy soude, omme de confirmacie te bringhene van der gracien; comt op viii gulden Rh., valent ii lb. gr. M.

Item betaelt denselven, omdat hy de quitancie te Roeme droech van de penninghen, die de banckieren van Brugghe sPaus weeghen ontfaen hadden; comt xx s. gr. M.

Item betaelt Lucas De Doncker, van dat hy der stad gheleent hadde aen de expedicie van der bullen van der gracien en confirmacie, boven I ducaten, die Hubrecht Weelmans verleent hadde, noch Ixxi ducaten te liii g. Vlemsch elken ducaet; valent xxiii lb. x s. iiii d. gr. M.

Betaelt den bode, die de bulle brachte van der gracien ende de confirmacie van Roeme met anderen brieven; comt op xxi guld. Rh., valent x lb. v s. gr. M.

Item betaelt den banckieren van Brugghe, van dat sy verleent hadden van der stadwege aen onsen heyleghen vader den paus Pius van der confirmacie van der bulle van der gracien, xic ducaten te liii gr. Vlemsch den ducaet; comt op iiic lxiiii lb. vii s. vi d. gr. M.

Item ghegeven den suffragaen van Camericke, van de gratien voirseid te pupplicerne, ii guld. Rh.; Meester Utenhove, ii g. Rh.; de vier ordenen van Brugghe, iiii guld. Rh. en viii stuvers; noch tAntwerpen ende te Loven by Meester Jan van Boechem, ii g. Rh.; den suffragaen van Dornicke, iiii V lb. iiii; Meester Jan Duuts voir Zeeland ende Vriesland, iiii g. Rh. met viii stuvers; Meester Jan Loys, i rider; voir den parochiaen

van der Vere ende Middelborch, xiiii stuvers, ter Sluys ghesonden met enen bode; Meester Claes van Kyexhem, iiii g Rh. ende iiii st.; den ordinen van Luydeke, iiii g. Rh.; ende den bode, i g. Rh.; Meester Jan Galys, voir Nyvele ende dairomtreynt, iiii g. Rh.; eenen bode ghesonden tot Camericke ende in Henegouwen, iii g. Rh.; comt tsamen op ix lb. vi s. gr. M. Item betaelt voir een sentencie ghegeven te Rome, welke sentencie meester Anthonys Ferrarii ghenomen ende ghelooft hadde te verantwoirdene te Rome ieghen de canonicken van Voirne, die metter gracien te banne ghedaen waren, dwelke hy versoende; comt dairvoir betaelt xii lb. xi d.

Item betaelt Meester Janne van Bosc ende Meester Janne Loys, die ghesonden gheweest hebben in myns heeren hof, met anderen costen aldaer ghedaen; comt op iii lb. i s. viii d.

Item Meester Henrick Ruyce ghesonden te Berghen opte Zoem ende tot anderen plaetsen, omme de voirseide gracie te puplieerne; comt op xxx s. viii d.

Item Meester Jan Loys ghesonden in Artoys, in Pickaerdien, te Dornicke, te Rysele ende andere plaetsen, v in April lix, hem dairvoeren ghegeven x cronen, valent iii lb. i s. iii d.

Item Meester Pauwels Lottyn ghesonden om de gracie te publierne te Nyeupoirte, te Voirne en te vele anderen plaetsen, vi guld. Rh., valent xxx s. gr.

Item betaelt van veele copien te scrivene van der bulle van der gracien, te weten her Gabriel vander Poirten, iiii g. Rh. iii st.; Huybrecht van Weesmale, v Rh. g. en v st. ; Johanne de Wilde, iiii g. Rh. ende xi st.; Huybrecht Back, iii g. Rh.; Meester Herman, ii g. Rh. en viii st.; comt tsamen xviii g. Rh. ende vii st., valent iiii lb. xi s. viii d. gr. M.

Item betaelt by Meester Jan de Leeu, voir een maeltyd ghedaen den biechtheeren, doen men St Rombout omdroech; comt op viii s. gr. M.

Item betaelt voir ii elle tsamijts tot eenen wimpele, omme des paus Pius wapene daerop te maken; comt op v s. v d.

Item betaelt Meester Janne den Hollander, van xiiii paus Pius teekenen te maken, van elken xi g., ende vi paus Nicolaus

teekenen te makene, ende van de voirseide wimpele te verwene, v s. gr.; comt tsamen op xv s. gr.

Item betaelt Hubrecht Back, notarys, voir ene execucie te Rupelmonde ghedaen den tolneers int Wiel, ende voir de verscriptie vi s. gr. M. Item betaelt Adriaen Persoens voir de costen, die de tolneers te zynen huyse daden, doen zy hier ontboden waeren, xii s. gr.; comt tsamen op xviii s. gr.

Item betaelt den amman voir de costen, die de legaet van der gracien aldaer ghedaen heeft, doen hi hier te Mechelen quam; comt op xxxv s. vi d.

Item betaelt Cornelys Magherman van xiiii bullen, die hy van Rome bracht heeft op xvisten dage; comt hem ghegeven xxiii g. Rh., valent x lb. xv s. gr. M.

Item betaelt Johanni De Wilde en her Gabriel van der Poirten, van copien te scrivene van der bulle voirs.; comt op xxvi s. gr. M.

Item betaelt van dat verteert was in den Beyaert by den heeren van der gracien ende de notarys, doen men de blocken uttelde, vii in Sept.; comt op ix s. vi d.

Item ghegeven Johanni De Wilde voir een copie gheset in Meester Guido capelle, xviii g.; ende van eender copie ghehanghen in de kercke van de leste aflate, xxx in Octob., i Rh. g.; comt op tsamen vi s. vi d.

Item betaelt van eender maeltyt ghedaen tot Meester Jan Leus, ghedaen by den heeren de biechtvaders opte Alderheylegendach, omm: te spreken ende te disputeerne opten eed van de brouwers; comt op xii s. gr. M.

Item betaelt van eender copie te scrivene van de bulle, die lestwerf quam met sPaus bode, v s. gr.

Item Meester Henric Ruyte ende Meester Huybrecht Robbyns, omme de gracie te predekene te Bergen in de maret. ende dairomtreint; comt op xxx s. gr. M.

Item betaelt Janne Hergod voir de maeltyd ghedaen in den Beyaert, doen men de blocken uttelde, daer des Paus bode mede was ende andere heeren, die de slotele hadden en hulpen

TOME V. LETTRES, ETC.

6

tellen met meer anderen, xvi in Novemb.; comt op xv s. gr. M. Item betaelt Meester Peeteren Helmici van Rode tot Rome voir zekeren costen ende arbeiden, die hy ghedaen heeft int vercrighen van der gracie, met meer anderen bullen; comt hem dairvoir ghegeven xlv ducaten te liiii g. Vlemsch gherekend, valent xv lb. iii s. ix d.

Item betaelt Angelo Tanni van Brugge, van enen reste, dat de canter sculdich bleven was te Roeme voir Diericke van Colene van zynen arbeide; comt op xx ducaten te liiii g. gherekend, valent vi lb. xv s. gr. M.

Item betaelt Meester Hubrecht Robbyns, omme de leste bulle te puplierne, ii cronen, ende Meester Jan, iiii cronen; comt op, xii in December, xxxvi s. gr. M.

Item betaelt Johanni De Wilde voir xxiiii copien van den lesten aflate ende van ii dozynen anderen brieven; comt op xiiii s. gr. M.

Item betaelt her Dieric Grymaer ende her Jan Robosch, omdat zy te vijf malen omgegaen hebben als notarys, als men de blocken ruymde, elc van hen xx s. gr. ; comt op ii lb.

Item betaelt her Rombout van der Beeke ende her Janne De Hond, die ten offer gheseten hebben in St Romboutskercke; comt op xxxvi s. gr. M.

Item betaelt den luyder van St Rombouts met synen ghesellen, van luydene ten voirs. aflate; comt op viii s. gr.; ende den grachtmakers, van de kercken te sluytene ende te ontsluytene, ende den biechtvaders te dienene, iii s. gr.; comt tsamen op x s. vi d. gr. M.

Item betaelt Willem van Helmont, die in St Peeters ten offerande gheseten heeft in de gracie; comt op xviii s. gr. M.

Summa van de costen van den aflate van desen vier zyden hiervore comt op iiiic lxxv lb. xviii s. vi d. gr. M.

Summa van dat betaelt es van diversen costen metter gracien in de xiiii zyden hiervoren, comt op xiic lxxv lb. xix s. ii d. Mech., valent iiiic xxv lb. vi s. vii d., out gerekent ten iii lb.